الجمعة، ١٤ مايو ٢٠١٠

موقف محرم بك



الموقف بتاع محرم بك دة فيه كل المشاريع اللى بتروح كل المحافظات . يعنى القاهرة تلاقى . طنطا تلاقى بور سعيد تلاقى . و كمان فيه السوبر جيت و غرب الدلتا . و طبعا مكانه متطرف شوية جنب مرور محرم بك . و كمان فيه طبعا مشاريع لداخل اسكندرية . يعنى فيه

الموقف – المحطة

الموقف – المنشية

الموقف – الهانوفيل


الموقف – العامرية

الموقف – العوايد

الموقف – الساعة

و طبعا فيه كتير . بس لما افتكر خطوط تانى حاكتبها

موقف محطة مصر



يعتبر موقف محطة مصر من اقدم المواقف بالاسكندرية. فهو نواة الاسكندرية . و يربط الاسكندرية من شرقها لغربها. فهو خاص بالانتقالات داخل الاسكندرية فقط . و المشاريع فيه كالاتى.

المحطة – الهانوفيل و الاجرة 1 جنيه

المحطة – العامرية

المحطة – المنشية و الاجرة نص جنيه

المحطة – العوايد سريع و الاجرة 1 جنيه

المحطة – الساعة سريع و الاجرة 1 جنيه

المحطة – الساعة من شارع ابو قير

المحطة – ابو سليمان من شارع ابو قير ثم سموحة ثم المحمودية

طبعا لسة فيه كتير . فيا ريت اللى يعرف خطوط تانية يكتبها

الترام الصفرا


من علامات الاسكندرية الترام الصفراء او ترام المدينة

تعتبر الترام الصفرا حدوتة اسكندرانية . فهى و بحق تعمل على اختناق حركة المرور بالشوارع .

و كمان بطيئة جدا . يعنى اللى يركبها لازم يكون فاضى . لانه حايوصل بعد ساعة على الاقل . و طبعا هى ليها مناطق معينة فى الاسكندرية فقط . و ليس كل المناطق . من محطة الرمل حتى راس التين مرورا بالمرسى ابو العباس و الانفوشى و حلقة السمك . ايضا من محطة مصر حتى كرموز مرورا بشارع الخديوى ثم شارع كرموز و عامود السوارى . و من محطة مصر حتى المنشية الصغيرة عند بتوع الورد مرورا بشارع السبع بنات . و من محطة مصر حتى الورديان مرورا بشارع الخديوى و كوبرى التاريخ و الابارى . و من محطة مصر حتى النزهة .

و هذه هى خطوط الترام

النزهه ـ المنشية 11
النزهه ـ المتراس 1
محطه الرمل ـ رأس التين 15
كرموز ـ النزهه 2
كرموز ـ سانت كاترين 16
المتراس ـ سانت كاترين 3
النزهه ـ سانت كاترين 18
محرم بك ـ سانت كاترين 4
المنشية ـ المكس 19
كرموز ـ رأس التين 5
المتراس ـ رأس التين 21
محرم بك ـ رأس التين 6
رأس التين ـ سيدى جابر المحطه 25
النزهه ـ الورديان 7
رأس التين ـ سيدى جابر الشيخ 26
المنشية المكس 9
رأس التين ـ سان أستيفانو 36
النزهه ـ حاتمى 10

قطار ابو قير


قطر ابو قير هو وسيلة انتقال شعبية من الدرجة الاولى . بالرغم من ان قيمة الت

و هو الشريان الاساسى و الاقدم بمدينة الاسكندرية . حيث انه يبدأ من محطة مصر و ينتهى فى ابو قير.

و تبدأ اولى محطات القطار بمحطة مصر . و تتوالى المحطات كالتالى.

الحضرة – سيدى جابر – الضاهرية – السوق – غبريال – الرمل الميرى – فكتوريا – سيدى بشر – العصافرة – المندرة – المنتزة – الاصلاح – المعمورة – طوسون – ابو قير.

طبعا التذكرة بالقطار بجنيه واحد . سواء ركبت محطة واحدة او من اوله الى اخره . يعنى تمن التذكرة موحد.

طبعا القطار يعمل على مدار ال 24 ساعة . و فى وقت الذروة يكون هناك زحام شديد

ترام الاسكندرية


تتميز الاسكندرية بطابعها الخاص الذى يميزها عن غيرها من مدن البحر المتوسط . و من ضمن ما يميزها مواصلة الترام .

تعتبر ترام الاسكندرية من ابرز معالمها . فهى و بحق من علامات الاسكندرية البارزة. و عندما تركبها تشعر بانها بطيئة فى سرعتها نوعا ما.و تنقسم الى نوعين.

الترام الازرق و الترام الاصفر.

الترام الازرق يبدأ من محطة الرمل و ينتهى فى فكتوريا. و محطاته كالتالى.

محطة الرمل – القائد ابراهيم – الازاريطة (كلية الطب) – سوتير – الشبان المسلمين (الشاطبى) – نادى الاتحاد السكندرى – كامب شيزار – الابراهيمية – سبورتنج الصغيرة – سبورتنج

و فى محطة ترام سبورتنج تتفرع الى خطين .

الخط الاول

كليوا باترا – سيدى جابر المحطة – مصطفى كامل

الخط الثانى

كليوا باترا الحمامات – سيدى جابر الشيخ – مصطفى كامل.

بعد التقاء الخطين بمحطة مصطفى كامل . تكون المحطات كالتالى

محمود محفوظ – رشدى – بولكلى

و فى بولكلى تتفرع الى خطين مرة اخرى.

الخط الاول

الهداية – سابا باشا – جليم – الفنون الجميلة – زيزينيا – سان استيفانو

الخط الثانى

الوزارة – فلمنج – باكوس – صفر – شدس – جاناكليس – سان استيفانو

بعد التقائهما فى سان استيفانو تكون المحطات كالتالى

ثروت – لوران – السرايا – سيدى بشر الترام – السيوف الترام – و اخيرا فيكتوريا.

و يلاحظ ان منطقة سيدى بشر الترام مختلفة عن منطقة سيدى بشر و ايضا منطقة السيوف الترام مختلفة عن منطقة السيوف .

طبعا قيمة التذكرة بالترام متغيرة (الترام العادى بنص جنيه - المميزة بواحد جنيه). و تاخذ تقريبا ساعة من فيكتوريا الى محطة الرمل.